E tropa altezza,
Da un gran tiemo el xè coverto
Che da prova è solo averto
Da balconi traforà
Che anca quelo xe indorà
I Arsenaloti,
Come i galioti,
Con sfarzo estremo
Lo voga in stiva
A tre per remo,
E rende ativa
Sta pomposa barca d'oro,
Sto superbo bucintoro,
Che quantunque remurchià,
Do mia a l'ora apena el fa.
A prova, e a popa
S'inalza e ingropa
Molte figure
Tute indorae,
Che xe fature
Le più stimae
D'ecelenti, e scielti autori,
C'ha vissudo fra i scultori,
E d'i emblemi ognuno gà
Relativi a sta cità.
