![](http://upload.wikimedia.org/wikipedia/commons/thumb/4/40/Le_Ci%C3%A0cole_de_Bepi%2C_Roma_1908_%28page_105_crop%29.jpg/400px-Le_Ci%C3%A0cole_de_Bepi%2C_Roma_1908_%28page_105_crop%29.jpg)
BUFFALO BILL.
Circumdederunt me vituli malti.
Ps. XXI, 13.
I.
Mo che musi che i gà, santa Madona!
Rossi che i par tante ragoste cote,
Che Dio guardi a incontrarseli la note
Ste figure del diavolo in persona!
E po' i parla una lengua buzardona
Che non l'intendaria Giuda Scariote,
Figureve che ai piè ghe dise fote,
Stari a le stele e po a la luna Mona!
A un gò domanda: ― Xestu Cristian?
Ch'el m'ha resposto: ― Ai love much la grapa ―
E se mocava el naso con le man.
Porco ― gò dito, ― credestu nel Papa? ―
El me responde ― l'obole? ― e pian pian
Me slonga una palanca e el dise ― ciàpa! ―