Pagina:Le Ciàcole de Bepi, Roma 1908.pdf/132

PER QUEL BEPI PIU' GRANDO.

Cantate ei et psallite ei: narrate omnia mirabilia eius.

Psal. CIV, 2.

I.

BENEDETO da Dio, Sol che te scaldi,
Con un baso d'amor, l'acqua turchina
Che dorme da Mazorbo a Pelestrina
Sognando el Dose che la sposarà;

     Viva fiama de Sol, che de smeraldi
Te fiorissi el tremar de la marina,
Co', squasi un svol de smerghi, se indovina
Le vele bianche ne l'imensità;