Tastè ben el saòr come el se mete
A scopo de corèzerlo pulito,
Roversè nel piaton la cazzarola
Col sugo streto e alòn! portèlo in tola!
El metodo xe questo e chi lo prova
Se licarà coi dei tute le man
E ve dirò che sto magnàr se trova
Da l'osto Parolin, nostro zerman;
Ma bisogna ch'el stomego se mova,
No che el sia molo come in Vatican
Che no lo vedo e no lo sento più...
Requiem! El lievro, fioi, magnèlo vu.
