Pagina:Le Ciàcole de Bepi, Roma 1908.pdf/192

Sta pagina la xe stà trascrita, ma la gà ancora da vegner rileta.

CASCA LE FOGIE.

Et consuerunt folia ficus et fecerunt sibi perizonata.

Genes. III, 7.

I.

CIÒ, Tesorier Santissimo ― ghe digo ―
Volemo far stasera i nostri conti? ―
Lu el tol le carte e me risponde ― pronti! ―
E taca via, ch'el va come un castigo.

Dopo un poco ghe fazzo ― ohi, caro amigo,
Speta un momento! Cossa te me conti?
La psiche dei to pessimi defonti,
Tre mila lire de fogie de figo?