Pagina:Le Ciàcole de Bepi, Roma 1908.pdf/68

Sta pagina la xe stà trascrita, ma la gà ancora da vegner rileta.

CONTEMPLAZIONE.

Come falso veder bestia quand'ombra.

Dante, Inf. II, 44.

PUTEI, vegnime avanti
     E ve farò saver
     Che in grazia del mestier
                    Fabrico i Santi.

Chi lo gavesse dito
     Quando che da bambin
     Stregiava el somarin
                    Cussì pulito!

Basta! Mi giera drìo
     A fabricarne un pér,
     Quando el zerimonier
                    Strila — per Zio!

Ciò — digo ― cossa galo?
     Ma lu el restava là
     In estasi, piantà
                    Pezo de un palo.