Pagina:Le Rime Veneziane e Il Minuetto.djvu/150

Sta pagina la xe stà trascrita, ma la gà ancora da vegner rileta.

V.

LA CONFESSION DE NINA

M'à dito el confessor,
- Ma mi no go credesto -
3Che xe un pecà l'amor.

Pierin xe un toso onesto,
- Go dito a don Fabrizio -
6L'è un zovene de sesto.

No pèrdar el giudizio,
- Me ga risposto el prete -
9L'amore xe un preçipizio.

L'amore te tol la quete,
Te fa serar del çielo
12Le porte benedete.

Cussì el m'à dito elo,
- Ma mi no go credesto -
15Pierin, dame l'anelo,

Pierin, spòsime presto.