II.
L'AMOR
L'amor xe come l'anema.
Per molti no la esiste,
Per molti la ghe xe.
Molti ghe dà per càmara
La testa, molti insiste
6Che in la cuor la trovarè.
M'à dito un dì un filosofo,
Che forse la sta in boca.
Uno che in man la sta.
L'amor xe tuto simile:
Feliçe chi lo imbroca,
12Chi lo ga qua, chi là.
Nerina, per esempio,
Che tanto me ga piasso,
Lo ga... Dio lo sa lu...
La l'à çercà el çercabile,
Ma nel so cuor de giasso
18No la lo trova più.
