VIII.
UNA PROMESSA
Doman te scrivarò, cara, el soneto
Che t'ò promesso geri andando via.
Te lo farò zentil e pien de afeto,
4Tuta el te mostrarà l'anema mia.
Ancuo no posso, ancuo sto maledeto
Caldo me afana, ancuo no savaria
Scriverte quelo che me sento in pèto,
8Scriver versi che fusse poesia.
Che se proprio ti vol el pagamento
Dela promessa, Apolo invocarò,
11Pur de védarte el bel viso contento.
Ma un parola sola (oh Dio, me trema
La pena in man!) Nerina, te dirò:
14El to nome, che val più de un poema.
