Pagina:Le Rime Veneziane e Il Minuetto.djvu/194

Sta pagina la xe stà trascrita, ma la gà ancora da vegner rileta.

XIII.

(A GEROLAMO ROVETTA)

1

LA MORBINOSA

— Pario bon co' sti fiori sula testa?
E co' ste perle al colo? e col zendà?
— La sarà la più bela dela festa...
— Dame fora i brilanti...
— Ecoli qua.

— Dame qua i guanti, el fior, la mascareta...
Presto... presto... la gondola me aspeta.

Vado... sta atenta al picolo... abia cura.
— El ga la fevre...
— Povara cratura!