XV.
LONTANANZA
Son Todaro che brontola e se lagna
Come, co supia el vento, la montagna.
Come el çielo co' piove, o l'aqua al fogo,
Son Todaro che bogie e vol un sfogo.
Dimelo, Giulia mia, dimelo ti
6Se Todaro fa mal a far cussì.
El mio povaro cuor xe sotosora
Come l'onda del mar co gh'è la bora,
Come fra i venti abandonà un batelo
Va senza direzion el mio çervelo.
Giulieta mia, domandighe a l'amor
12Se ga torto o razon çervelo e cuor.
