XVIII.
SOL E PIOVA
Te recórdistu? Pioveva.
Mi t'ò dito: "Signorina,
Bruto tempo, stamatina."
4E ti a mi: "Proprio un oror."
Po' ala sera (che coragio)
Al balcon del to tinelo,
Mi t'ò dito: "Che bel çielo!"
8E ti a mi: "Proprio un splendor."
Gran discorsi! e pur se gera
Tuti do contenti assae.
Quante lote risparmiae
12Se se fusse restai là!
Se te digo adesso: "Piove"
Ti rispondi: "El sol vien fora"
Se te digo: "Bela aurora"
16Ti rispondi: "Piovarà."
