Pagina:Le Rime Veneziane e Il Minuetto.djvu/240

Sta pagina la xe stà trascrita, ma la gà ancora da vegner rileta.
NINA

Portèghe un goto d'aqua in giasso, al cavalier.

ANZOLETA

Subito.

NINA
E se per caso vegnisse qualchedun

140Stassera no riçevo, no ghe son per nissun.
(a Tita) Seu contento, sior Todaro? Lagnève de sta nona.

TITA

Ma se l'ò sempre dito che sè una brava dona.

NINA

Del resto, caro Tita, scusé se torno fora,
La gavé proprio a morte co' Momi.

TITA
E Momi ancora

145Gnente afato, ma insoma no go nissun dover...

NINA

Chi parla de doveri?

TITA
Via, via, fème el piaçer,

Ve lo domando in grazia... parlemo un fià de nu.
Lassemo star quel Momi... quel tipo de virtù.

NINA

E pur, xe no so quanto che lo gavé sui corni...

TITA

150Ma chi se li recorda, chi mai pensa a quei zorni?
Forse, in un'altra vita... se mai lo catarò...
Ma in questa quel so fisico no me va proprio zo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Le_Rime_Veneziane_e_Il_Minuetto.djvu/240&oldid=63196"