La mia putela
La xe de rosa el bocolo
Più bel che spunta in magio,
La xe del ciel un angelo
Che fa in sto mondo un viagio.
La ga oci neri a mandola,
Che lusi come el sol;
E co la ridi, cocola,
La par un rosignol.
Una testa de bucoli
Con sprazi de rubin,
Ghe fa cornise al palido
Sentimental visin.
In campagna, scambiandola
Per fior, a sbater le ale
Su quei cavei de porpora
Se posa le farfale.
