Pagina:Levi - Versi in dialetto triestino.djvu/23

Sta pagina la xe stà trascrita, ma la gà ancora da vegner rileta.
Progresso


     La va pel Corso al’ ora del liston,
Vestida che la guarda tuti quanti,
Ghe lusi nele recie do brilanti
Che vien voia de darghe un morsigon.

     I dixi che la xe poco de bon,
Che la ga avù come formighe amanti,
Pur la xe bela ancora e spasimanti,
La ga che ghe se buta in zenocion.

     Ma in ogi la xe onesta; la ga un vecio
Che ghe ne dà cole man e coi piè,
E de morosi no la ga che el specio.

     Pensar che adesso al mondo la ga tuto,
E un giorno, fioi bisogna che savè,
La magnava la boba in Istituto.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Levi_-_Versi_in_dialetto_triestino.djvu/23&oldid=69288"