Pagina:Levi - Versi in dialetto triestino.djvu/41

Sta pagina la xe stà trascrita, ma la gà ancora da vegner rileta.

Avemaria

     Vien qua mora, mi te adoro
Sol per ti me bati el cor,
Ti ti sa mio bel tesoro,
Che xe un gusto far l’amor.

               E quando sona l’Avemaria,
               Mi sula boca te baserò,
               Che sempre, sempre ti sarà mia
               Al cor strenzendote te giurerò.

     No te vestirò de raso,
Ma mia sposa te farò
E compagni al primo baso,
Tuti quanti te darò.

               E quando sona l’Avemaria, ecc.