Peocio refà
Ciò, varda là quel meso paronçin
che ga i guanti glassè, tuto istecà;
se ti lo vardi proprio da viçin
ti vedi subito un peocio refà.
Sentirlo invece lu, sto babuin,
i so antenati el Corno i ga portà
e sempre i l'à ciamà fin da bambin:
lustrissimo de quà, conte de là.
Oh can d'un lasagnon, sèntime, scolta:
tuti i to titoli, le to gran creste
no ghe fa vogia a le persone oneste;
se sa oramai che 'l to papà 'na volta
zigava tuto el dì sora quel ponte:
le bele verze e i caurli a 'n traro al monte.
