Voraria che a qualchedun la ghe disesse
che no solo a Nadal mi lo ricordo,
seben dal me silenzio lu podesse
ritegnir che a l'afeto fusse sordo.
A qualche altro voria che la portasse
tute le zogie umane, e ancora più;
a tuti, po, un bason che la ghe dasse,
un de quei basi che dal cuor vien su.
Ma mi sta Cartolina che me intendo
trovarla no so bon, nè lo pretendo.
L'ilustrazion che mi vorave in ela
la mando col pensier, l'è assae più bela.
