Pagina:Marco e Tòdaro.djvu/10

A mi sta massima,
Sto paradosso,
Le catorigole¹
16M'à sempre mosso;

E mai de vèdarghe
Una rason
Gnanca da zovene
20No so sta bon.
 
Come?... Xe insipido
Un galantomo
Se nol desmèntega
24De esser omo?
 
Se nol se inzácola²
Quasi a ogni passo,
Se nol se impétola³
28Tuto de grasso?

Se del linguagio,
Per aver sal,
Nol core imprestio
32Da un anemal?

1. catorigole - solletico.
2. inzacola - lorda di fango.
3. impetola - invischia, inzafarda.