Pagina:Marco e Tòdaro.djvu/52

« El par volatile,
Ma se se ingana;
Nol xe che un genere
56De pantegana. »¹

Ma sior Domenego
Lassa che i diga,
E a far do mascare
60Nol fa fadiga.

El xe infalibile
Da Pasqua in banca;²
A Messa e a Vesparo,
64Se el pol, nol manca;

Ma el ga po' el stomego
De corar spesso
Dei drami a bèvarse
68Degni del cesso;

O pur de lèzarse
Kock, Mantegazza,
Zola, e le simie
72De quela razza.

1. Pantegana — grosso topo
2. da Pasqua in banca — È costume nelle parrocchie di Venezia, che nelle maggiori solennità i parrocchiani di qualche conto assistano alla Messa solenne del proprio parroco, in panche apposite disposte lungo la Chiesa.