Dir mal de sto governo
Sia in publico e privato,
Credelo ch'el xe proprio
El massimo pecato.
Tuto el concede ai suditi
Che paga e no cogiona,
Per lori carta bianca
Tuto ghe se perdona.
Per desmísiar i popoli,
Dei fioi l'educazion
S'à resa obligatoria
S'à messo istituzion,
Variade sia de scienza
Che de disegno ed arte,
Mestri ghe n'è a bizeffe
Vegnudi da ogni parte.
Per far più presto a scriver,
Come se parlaria,
Piantada s'à una catedra
Per la stenografia.
No ghe più reticenze,
Tuto xe bele cose
Pol passegiar più libere
Perfino le virtuose.
Perchè i la ciama arte
La soa, sti bravi doti,
Arte d'accalapiar
Un pochi de merloti.
Tuto vedè che adunque
Xe ben quel che ne rege...
Perchè no se contenti
E sbefegè la lege?...
