Sta pagina la xe stà trascrita, ma la gà ancora da vegner rileta.
Una partia a Briscola fra quatro amici
(Scomessa da magnar i osei)
Co' 'na rima alquanto viscola
Che ben scorre e non s'intaca
Fasso eviva a chi de briscola
Fa magnar i osei a maca
Augurando ai do campioni
Che dei assi i se li taca
Là darente..... nei botoni,
Perchè i fassa ancor triaca
De quei do competitori
Degni invero che se staca
La sfortuna che avùo lori
E la vada in tanta caca
A ingrassar i vincitori
Che invincibili se crede
Co' le briscole che i vede,
E no i fassa tanti casi
Quà darente a Nane Tasi,
Che l'eviva che lu staca
El lo fa a chi magna a maca.