El trata per so metodo
Soltanto a quatro ochi
De afari complicati
In vulgo diti stochi.
In questo modo al certo
Sior Carlo, se a Dio piase
L'accrescerà po' el numero
De quele quatro case.
Che co' dei stenti oribili
L'abùo da rancurarse
Facendo ben al prossimo
Che in lu a savùo incontrarse.
De domandar socorsi
Ajuto e protezion
A sto omo incomparabile
Che xe per tuti bon,
Adunque o bisognosi
De roba o de denaro
Corè via fretolosi
Ch'el no xe gnente avaro.
Corè da lu se mai
Saressi in qualche imbrogio
Ch'el ve socore certo
Ch'el ve darà ogni apogio.
Se qualche cosa avė,
Purchè no desparai,
El ve farà sicuro
Liberi e despogiai.
