NE L'OCASION DE L'ONOMASTICO DE MIO COMPARE NANETO B.
El Stropolo
Parodia del soldo d'arzento de Camilo Nalin
24 Zugno 1887
Per sodisfar l'impegno che co' ti
Go ogni ano in questo dì
Eco, Naneto mio, che te presento
Un stropolo famoso, che xe un portento
A Venezia costruido a l'Anconeta
Senza l'uso de nissuna machineta;
Cioè da cent'ani
Co' i faceva de tuto i Veneziani,
Quando a Venezia dichiarato el bloco
De sortir se impediva co sto toco,
E in ste contrae beate
Le done gera per i omeni mate.
Come in casa de mi l'è capità
Un dato positivo no 'l se gà.
Chi dixe che mio nono da un senser
L'abia avudo per piaser
A quelo che l'aveva per campion
Lassà in botega a l'Anconeta
