Pagina:Nuove rime veneziane di guerra e di pace.djvu/81

Sta pagina la xe stà trascrita e rileta.
EL GUANTO


Gera in gòndola una sera
co 'na splendida putèla,
però sola no la gera:
4gh'era insieme una sorela.

Ogni tanto un vaporeto
solevava un'onda in alto,
e, spaurìa, con un sigheto
8la tremava a quel gran salto.

Sia la smània de l'istà,
de la luna el ragio insan,
no so come m'ò trovà
12la so man ne la mia man.

Che sorpresa benedeta,
là, ne l'ombra cussì brava,
e se mi la tegnìa streta
16gnanca ela la molava!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Nuove_rime_veneziane_di_guerra_e_di_pace.djvu/81&oldid=63695"