Pagina:Pascolato - Versi Veneziani, Milano, 1928.pdf/13

CARIOI ¹.

I

n quel comò, za tempo, sbisegava

     Ogni note un cariol;
     E drio e drio e drio, no'l tralassava
     Se no vegniva el sol.
     El me faceva un impeto!.. Ma adesso
     Che no lo sento più, no dormo istesso.

Za tempo, in cuor sentiva un magnamento,
     Un crussio, un roseghin:
     Credeva de portarmelo qua drento
     Sempre, sin a la fin.
     El se ga quietà, e adesso el tase...
     Sto silenzio, sto vodo xelo pase?

1. Carioi, tarli.