Ma me considero
Pien de richezza,
Se arivo a strenzerte
Co tenerezza,
Mia cara cocola,
Come mugier.
Ohe! varda i pali,
Stali, scia, siali.
Mi sempre smanio
Per quel momento
Che co ti, vìscere,
Sarò contento,
Me mete in gringola
Sto bel pensier.
Ohe! varda el remo,
Stali, che premo.
Co tuta l'anema
Alora vogo,
Me brusa un spirito,
Me brusa un fogo,
Che me fa in musica
Squasi cigar:
Ohe! varda el remo.
Stali, che premo.
