Pagina:Per le nozze Medin-Maniago.djvu/9

Sta pagina la xe stà trascrita, ma la gà ancora da vegner rileta.
EL DOLCE RECORDO


Sia benedoto el zorno
     Che mi t'ò visto, o Nina;
     E che de mi vicina
     Cara, ti t'à sentà.

Me lo recordo ancora
     Sempre me par, ben mio,
     Che no sia mai spario
     Quel benedeto dì.

Ti geri ben vestia,
     Vestia come da festa,
     E ti gavevi in testa
     Un botolo d'amor.

Ma in son come sul trono
     Te stava quel fioreto,
     Che simbolo xe schieto
     De la semplicità.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Per_le_nozze_Medin-Maniago.djvu/9&oldid=55532"