Pagina:Poesie di Francesco Gritti in dialetto veneziano.djvu/177

Sta pagina la xe stà trascrita, ma la gà ancora da vegner rileta.

     Quando che i dise) mentre el beve un tè
     Corer el vede el popolo, i spahì,
     I Gianizzeri, Agà, Cadì, Muftì
     Verso el Seragio, e tuti ziga... Hallò
     Sala-mikula-ke-Al-Koranò:
     Che vol dir ne l'idioma del Talmù;
     Palme, allori a chi c'è, corna a chi fu.
7Mosso da natural curiosità,
     El domanda: Gh'è qualche novità?
     Ghe risponde un Iman: No lo vedè?
     Le solite miserie che savè;
     I ha strangolà el Visir Macmu-Kepì,
     E tuti fa bacan, sentiu? sentì!
     El Sultan ama el popolo, e però
     El ghe regala spesso sto gatò. —
Belchù.- Nissun vorà Visir dopo Macmù! —
Iman.- Eco là el sucessor; vedeu colù?
8El buta l'ochio dove i g'ha mostrà,
     E saveu mo chi el vede? el so Bassà,
     Proprio Kalù. Sorpreso el dise... Oh v'è!
     Xelo, o no xelo lu? l'è lu a la fe.
     Kalù lo riconosse... — Adio, bondì,
     Ti è tornà, sì... e l'anelo?... presto dì. —
Belchù.- Visir ve fazzo prima un prostinò. —
Kalù.- Vòi saver de l'anelo... el gastu, o no? —
Belchù.- Eco l'anelo... no cerchè de più,
     Fe a mio modo, Visir, tegnìlo vu.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_di_Francesco_Gritti_in_dialetto_veneziano.djvu/177&oldid=72079"