EL TIMO E L'EDERA
Diseva al Timo l'Edera
Su l'alba, sta matina:
Povera piantesina,
Più che te vardo, vissere,
5Più ti me fa pecà;
Ti, e to fradelo Ditamo,
Ve alzè una quarta apena;
Destirè pur la schena,
Ma galinete pepole,
10Dovè cufarve là;
Almanco mi, col rovere,
Pianta dileta a Giove,
Vado... saveu fin dove?
A stafilar le nuvole
15Che sporca el viso al ciel! —
— Vero; lassù vedendote
Corer a torte 'l primo,
Vero (responde 'l Timo)
Stava sul cuor l'invidia
20Per travasarme 'l fiel;
Ma megio esaminandome,
Ho dito: me vergogno;
Mi no go alfin bisogno
De tor in prestio crozzole;
25So star in pie cussì.
