Nane
Quanti secoli xè adesso
Che à chiapà l'omo sto loto?
Clementina
Oto. —
Nane
Sempia! nò disdoto
No ghe vol un gran talento,
Mile prima e pò otocento. —
Clementina
Varda Nane che bei fiori!
Che mazzeto per la mama!
El xe degno d'una dama.
Nane impazientà
Mile prima e pò otocento...
No ti pol per un momento? —
Clementina
Sì te ascolto (o che secada! — (tra sè)
Nane
Dime el nome del vechieto
Che in presepio quieto quieto
Puza el muso sul baston.
Clementina (seria)
L'è Giusepe Marangon.
Nane
E la povera doneta
Che revolta in pani strazzi
Ghe fà cuna dei so brazzi
A quel caro fantolin? —
Clementina
La xè mare del bambin
Maria Vergine Santissima.
