Perchè farme un solo stomego,
Un gargato cussì picolo?
Mo perchè, perchè no farmene
Diese almanco, almanco quindese
Longhi, e larghi come l'Adese,
Per trincar come un deluvio.
Tracanar come un demonio,
Impenirme come un diavolo
De sto Vin saporitissimo,
Squisitissimo,
Arcistupendonazzissimo?
Ma, cospetto xe un gran caldo!
Uh! che caldo, caldo, caldo!
Che siroco! vita mia,
Va pur là, va via, va via,
Beverò debò-bo-boto;
Dove xe'l mio bariloto!
Saldi, saldi, casco, casco!...
Ve sugheu tuto quel fiasco?
De qua anca mi,
Che go una sè!...
Butè, butè,
Svodè, impenì,
Cussì, cussì,
No più, no più,
Tolèlo vu...
Dè qua, dè qua,
Per carità!
