Sì, v'intendo, volè farla,
Fela pur; ma procurè,
Cara vu de no falarla,
24Chè per sempre ve burlè.
CANZON.
Se Venere, la Dea,
Se calasse dal ciel per so diporto,
E che la se incontrasse in sto Putin,
Mo, caro fantolin, mi so che la dirìa,
5Ti è molto belo!
Ti ghe somegi tuto al mio putelo.
Ma se dopo per caso
La 'l sentisse a parlar,
La 'l vedesse a gestir
10Alora sì la sentiressi a dir.
Consoleve Widimani,
Che un putelo de quatrani,
Come el vostro, no se dà.
Tanto belo, tanto caro,
15D'un talento cussì raro,
D'una tal docilità.
