PEL COMPLEANNOS
DELLA CONTESSINA
PAOLINA SUGANA
ANACREONTICA
Cossa vol mai sta vechia
Tuta scarnada e smorta,
Che drento de sta porta
Me vedo a capitar?
In mezo a tanto giubilo
Perchè quei ochi torbidi
D'un mostro pien de rabia
Gh'avemio da vardar?
Ah! te conosso, Invidia,
Go gusto che ti sappi,
Che 'l dì ch'è nata Pappi
Qua semo a celebrar.
Rodite, sì, e preparite
Per la belezza e i meriti
De Pappi imparegiabile
Da rabia un dì a crepar.
