Pagina:Poesie veneziane del conte Francesco Cestari.djvu/45

Sta pagina la xe stà trascrita, ma la gà ancora da vegner rileta.

VII.

Apena che 'l to viso
     Se xe incontrà col mio
     In bota m'ò sentío
     El cuor a palpitar.

D'alora in qua, Nineta,
     Co no te son d'arente,
     No trovo gusto in gnente
     Tuto me fa stufar;

E in vece co me vedo
     Vicin a tì un momento,
     Mì provo un tal contento,
     Che in cielo no se dà.

Vicin, lontan in fati
     Che al so bel viso sia...
     Quel che mì dir voría,
     Nineta, ti lo sa.