Pagina:Poesie veneziane del conte Francesco Cestari.djvu/69

Sta pagina la xe stà trascrita, ma la gà ancora da vegner rileta.

BOCCA DI NINA

III.

Ghe xe chi dise: scampa le ocasion
     Se vogia no ti ga da sospirar,
     Questo xe 'l modo de no delirar,
     E de se stesso de restar padron.

Sti tali gavarà sempre rason,
     E sempre i podarà cussì parlar
     Fin che un azardo no li fazza amar
     Quantunque no i gavesse l'intenzion.

Credèlo, Amor dei cuori xe'l Sovran:
     Sotrarse a la so forza no gh'è caso,
     E dir no pol nissun: ghe son scampà.

Fava anca mi una rotta el cortesan;
     Ma un dì, che Nina in zogo¹ m'à dà un baso,
     Quela boca m'à in bota inamorà.

↑ Si allude a un gioco di compagnía.

[1] Si allude a un gioco di compagnía.

1