Pagina:Poesie veronesi (Giovanni Ceriotto).djvu/108

Sta pagina la xe stà trascrita, ma la gà ancora da vegner rileta.


     con do seste che se nina
che te carga i brassi e i fianchi,
dal canton de la galina
te si za a traverso i banchi;

     primo sol de la matina
ti te passi e come un'onda
te sconquassi l'aria fina
co la testa tuta bionda;

     el sudor el te tormenta
zo dal col e da le spale,
i colombi i se resenta
co le pene de le ale,

     i merleti del palasso
i se indora col leon,
i colombi i porta a spasso
la so solita canson.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/108&oldid=63905"