II.
Con quele spale che g'à serti scati,
quei scati de ambission e de pretesa;
con quel ridar che mostra i denti nati
in te 'na boca fata de sieresa:
la se inzenocia a torno a la fontana,
la rebalta ne i sesti la verdura,
la le resenta e la le fa più sana
soto quei polsi che no g'à paura,
e da la testa i so cavei de oro
i manda fora tuto el so saor,
sèra quei oci bionda che al to moro
ghe se rebalta i scrupoli nel cor!
