E col ciaro de la luna
che de note se inamora,
gh'è quel baso che 'l se cuna
che ogni tanto el salta fora
co 'na musica che nasse,
che la sbrissia che la core,
la fontana no g'à passe
su la Tor bate le ore.
Oh che pian che te te nini
baso santo, cosa gh'eto?
I colombi i se fa inchini
e la luna ghe fa el leto.
I colombi à fato rassa
su la tana de un granar,
le donete de la piassa
le à finì de ciacolar.
