Pagina:Poesie veronesi (Giovanni Ceriotto).djvu/27

Un orto poareto

I

     'Na sesa¹ la ghe gira intorno magra,
butado là par caso, canta un grio,²
'na suca in t'un canton l'è stufa e agra,³
de védar rati che so core a drio.⁴

     'Na galina con tanto de pelagra,
par no sporcarse la se tira in drio,⁵
con du versoti marsi la fa sagra,
la serca un bisso e la de trova un nio.⁶

     Da 'na finestra, un vecio rapolado,
che via de lu no capita nissuno,
el guarda lì un fìgar tuto malado,

     che 'l buta i fighi se ghe par a lu;
quando l'è magro el ghe ne buta uno,
quando l'è grasso, forsi, forsi, du.

1. sesa: siepe
2. grio: grillo
3. stufa e agra: stanca
4. che, se core a drio: che si rincorrono
5. la se tira in drio: indietreggia
6. nio: nido.