Pagina:Poesie veronesi (Giovanni Ceriotto).djvu/31

Sta pagina la xe stà trascrita, ma la gà ancora da vegner rileta.


     E schivando l'orlivo1 de un bel fosso,
vao sercando el papavaro che scapa,
che 'l par che 'l sia cressudo così rosso,
28par fermar la putela e dirghe: «Ciapa,2

     pòrteme a spasso co la to manina,
méteme li davanti sul to sen,3
che son mi quel papavaro biondina,
32che a le putele ghe voi tanto ben!»

     Ma sti pensieri i passa tuti quanti
e mi passo anca mi come 'na slita,
sensa curarme che g'ò lì davanti
36'na malingreta e longa de salita.

     E rusando in le rece al par del vento,
'na scerta vosse che la par rabiada,
la me dise che staga un poco atento,
40che lassa i fiori e guarda la me strada.

  1. orlivo: orlo
  2. ciapa: prendi
  3. sen: seno
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/31&oldid=63953"