Pagina:Poesie veronesi (Giovanni Ceriotto).djvu/40

In piassa

Ad Angelo Dall'Oca Bianca.

     Èrimo¹ in piassa, lì, dove se sente
petogolessi e mesi discorseti
e se vede passar sempre contente
le serve indafarade fra i bancheti.

     Cosa falo quel bossolo² de gente,
dise Nane, là in fondo a i portegheti?
Valà, g'ò dito mi, no sarà gnente...
solite storie... quatro puteleti...

     Altro che puteleti!... Fra le séste³
de ste done de piassa che rasona,
fra i ombreloni e in meso a tante teste

     quasi incantade de la so Verona,
Dall'Oca Bianca el ghe fasea le veste
col magico penel a la Madona.⁴

1. Erimo: eravamo
2. bossolo: cerchio
3. séste: ceste
4. Madona: Madonna Verona