Pagina:Poesie veronesi (Giovanni Ceriotto).djvu/77

Sta pagina la xe stà trascrita, ma la gà ancora da vegner rileta.


     La fiama la se slonga1 e la se indrissa,
fuma la soca e fuma el camineto,
le brase le se move e le se impissa2
28e le padele le se dà el sbeleto.

     I rami i sluse3 e i me deventa d'òro
davanti al fogo che 'l se fa più grando,
e sento che al me cor ghe nasse un còro
32de poesie che mi ghe vao cantando.

     El fogo el rusa e brontola la soca,
bala le ombre intorno a la cusina,
le sdinse lo rampéga e tuto s-cioca
36sora le brase4, sora a la fassina.

     La capa del camin che l'è gelosa
e par prudensa la sta lì e la tase,
el par che la se sbassa e la se cosa
40par no darghe a nissun de le so brase;

  1. la se slonga: si allunga
  2. impissa: accende
  3. i sluse: luccicano
  4. brase: brage
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/77&oldid=64002"