IV.
Dime Baldo, ci l'è che te destira
quel gran ninsol de neve comodada?
Impresteme le rime che respira
anca mi de quel'aria imbalsamada.
Dime ci à fato l'Adese che gira
soto i to oci sempre par 'na strada;
dime ci l'è quel lago che sospira1
come el sen de 'na dona inamorada!
L'è quasi sera e el Baldo no rasona
parchè taca 'na stela a far la spia:
nel me sarvel gh'è tuta 'na corona
de gran pensieri che no va mai via,
e nel me cor gh'è un campanil che sona
le so campane de malinconia!
- ↑ quel lago che sospira: l'autore allude al lago di Garda
