Pagina:Poeti antichi del dialetto veneziano 1.djvu/19

Sta pagina la xe stà trascrita e rileta.
POEMETTO



1O Marte, o Baco, o fradei zurai
     D'Arme e del chiuchio tuti do' paroni,
     Amici dei chiuchianti e dei sbisai,
     Sul bocal e celada in zenochioni
     Ve prego con i ochi al Ciel alzai
     Donème grazia, cari compagnoni,
     Che mì possa cantar le guere, i fati
     De Castelani, Canaruoli e Gnati.

2E ti de Marte Venere morosa,
     Pregalo per so' amor ch'el sia contento
     De far questa mia impresa vitoriosa.
     No te vogio oferir oro nè arzento,
     Che ben me trovo in sì pericolosa
     Fortuna, e ò contra mar, tempesta e vento;
     Pur spero col to agiuto el bel conforto
     De salvo intrar co la mia barca in porto.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/19&oldid=64046"