Pagina:Poeti antichi del dialetto veneziano 1.djvu/87

Sta pagina la xe stà trascrita, ma la gà ancora da vegner rileta.
CONTRO CUPIDO


Cagozzo fantolin, frasca cornua,
     Meti zoso quel arco, e tio' 'l pandol,
     Che se zafo dal culo, o mariol,
     4Te fazzo andar a traser a la stua.

Cori, va da to' Mare che te mua,
     E te meta davanti el bavaruol,
     E te coverza el corpo co l'albuol,
     8Che le verole no te fazza bua.

Cara Madona Venere, metèlo
     In cuna, e fèghe le so' pape; e fè
     11Ch'el vaga a trazer quel arco al bordelo,

Perchè se da sì puto lo usarè
     A fare despiaser a questo, a quelo,
     14Co 'l vorè castigar no poderè.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/87&oldid=64118"