Che no se de' stroparla!
S'à da covrir de drapi una carogna
Che stomega a vardarla,
Ma quela vita in st'abito risplende
Senza industria e senz'arte,
Massizza in ogni parte
Che nè cassi nè veli al bel contende;
Carne bianche e stupende
Al Ciel nude e scoverte
Per pompa de natura poverete;
Onde a sto modo averte
E colo e spale e t...
No se pol tior un guanto ov'è l'anelo,
Se no perchè è più bel questo de quelo.
Che drapi poria mai, se i fusse d'oro,
Covrir sì bei colori,
Ch'i no fusse un leame s'un tesoro,
Un fango sora i fiorì?
Va pur cussì, che st'umiltà t'inalza,
Va, povereta, altiera
Cussì coi pie per tera,
Che ti è più bela quanto più descalza!
Come el Ciel ne strabalza
A una belezza estrema
In t'una casa che no ga do squele!
Oimè, che par che trema
Pensando che le Stele
Xe andade a catar fuora do' despersi
