LA PROVA D'AMORE
Che mi abia da morir senza aver visto
La causa per la qual son condanà,
Ch'abia da essere ogni dì mostrà
A deo per un gagliofo, o per un tristo?
E che senza poder mai far aquisto
Sora de vu d'un deo de autorità,
Dal fachin, dal vilan sia strapazzà
E che no gabia mai d'esser provisto?
Fia, le xe cosse da no star al segno;
E ghe n'incago a Amor in tel mustazzo
Se queste xe le legi del so' regno.
Me voleu ben? vegnime un poco in brazzo,
Che mi no credo più se no col pegno,
È bestia è quel che stenta per solazzo.
