LA IMBECILLITÀ
Mi, che la darìa marza a un zaratan,
Che ò dà le romanzine che se sa,
Che m'à sentìo no solo quei de Cà
Ma la zente d'intorno un mìo lontan;
Che adesso mì no gabia per le man
Do ciance, mi meschin; mi desgrazià,
Che m'averla più presto imaginà
Che me mancasse mile volte el pan?
Questi ze de i miracoli d'Amor,
Deventar muto inanzi del so' ben,
E parer da so' posta un orator.
Se no ò parole al ben co' se convien,
Ve podè ben pensar co' stà 'l mio cuor,
Crudel, che m'avè messo el fuogo in sen!
