PER DOTTORATO D'UN NANO
MADRIGALE
Se mai ve imbaterè, Dotor egregio,
A arguir a qualcun drent'al Colegio
Parerè proprio in mezo a quela schiera
El ponto giusto in mezo de la Sfera,
Sì che vostra Ecelenza
Formerà el centro, e quei, circonferenza.
Ma ghe xe anca de più,
(E qua stupisse 'l mondo)
No se trova un Dotor simile a vu!
I altri in cima o in fondo
Del Privilegio i à 'l nome solamente,
Vu Dotor ecelente,
Ve podè far de quela bergamina
Casa con sala, camera e cusina.
